“ሸዊት ሸዊቱ”

ሸዊት ሸዊታት ቆለዑ ኣፍርዩ አዩ ኣብ ተሽከርካሪ ናይ ጉዱእ ወንበU ተሰቂሉ፣ ሸዊታት ደቁ ሒዙ፣ ኣብ መረብኡ እናልመዐ ረኸብናዩ፡፡ ማሕበር  ጉዱኣት ኩናት ትግራይ ምስ ዝምልከቶም ኣካላት ተዘራሪቡ ብልዕሊ 50,000.00 ብር ዘስርሓሉ መንበሪ ገዝኡ ናይ ቅድሚት ኣፀዱ አይተመልአን፡፡ "እዚኣ ናብዚ ኣግበራ እቲኣ ድማ ናብቲ ኣውድቃ" እናበለ ኣፀድ ገዝኡ እናሃነፀ ነበረ፡፡

"ምስጢር ናይዚ ዓቕሚ እዚ እንታይ እዩ ?" ንዝብል ሕቶ ሸዊት እንትምልስ ምስጢር ጥንካረ ቃልሲ ሕዝቢ ትግራይ እዩ፡፡ ኣብ ዕጥቃዊ ቃልስና ብዝኮነ ፀገም ምምብርካኸ ነውሪ እዩ ይብል ሸዊት፡፡ጉዕዞ ዕጥቃዊ ቃልሲ ተመሊስና ካብቲ ሰፊሕን መወዳእታ ዘይብሉን ታሪክ ሸዊት ብውሕዱ ከምዝስዕብ ቀሪቡ ኣሎ፡፡

ሸዊት ሓጎስ ብ1964 ዓ.ም ኣብ ዙርያ ሽረ እትርከብ ማይ ኣድራሻ ተወሊዱ፡፡ ከምቲ ኩሉ ውፅዕ ትግራዋይ ፊደል እናቆፀረ ዘይኮነስ ከፍትን ጤለ በጊዕን እናቖፀረ እዩ ዓብዩ፡፡ ዕድሚኡ ንዓቕመ ኣዳም እናበፅሐ፣ ልቡ እናደልደለ ምስከደ ኣብ 17 ዓመቱ ብ1981 ዓ.ም ለካቲት ናብ በረኻታት ትግራይ ገስገሰ፡፡ ተጋደለ፡፡

ንምግዳል ምኸንያት ዝኾኑዎ ብዙሓት እንተኾኑ በቲ ናይ ሽዑ ሰገን ሕሊንኡ ግን ክልተ እዩም፡፡ ንሳቶም ድማ ኣለም ንዝብሃል ዓብይ ሓው ደርግ ኣብ ከተማ ሽረ ስለዝረሸኖ ነቲ ንኣለም ዝረሸነ ወታደር ደርግ ክቐትል ንሽረ ዘኣተወ ካልኣይ ሓው መዓዛ ንገዛ ኣይተመለሰን፡፡ ምክንያቱ እቲ ንኣለም ዝረሸነ ወታደር ካብ ሽረ ናብ ካልእ ስለዝተቐየረ መዓዛ ካብ ደርጊ ሙሉእ ዕጥቂ ሒዙ ከምዝተጋደለ ሰምዐ፡፡

ቅድሚኡ ብ1969 ሸዊት ገና 5ተ  ዓመቱ እናሃለወ ናብ ሜዳ ዝኸደ ሳልሳይ ተጋዳላይ ሓው'ውን ብወረያ ወረ ንልቡ ስሒቡዎ ነበረ፡፡ "ግርማይ" ይባሃል በኩሪ ናይቲ ገዛ ተጋዳላይ እዩ ብዘይካ ግርማይ መዓዛን ካልእ ዓብይ ሓው'ውን ብምክንያት ስራሕ ናብ ኤርትራ ምስተሳገረ ኣይተመለሰን፡፡




Page 1/8

Pages: 1 | 2 | 3 | 4 |5 |6 |7 |8