ዕድሚኡ ንቃልሲ ምስፈቀደሉ ድማ 1974 ዓ.ም ናብቲ ዝናፍቆ ዝነበረ መስርዕ ህወሓት ክስለፍ ናብ በረኻ ወሪዱ (ተጋዲሉ)፡፡ ኣፍቲ እዋን ብዝነበረ ኩነታት ታዓሊም ዝወሰደሉ ኣብ ትግራይ ዘይኮነስ ናብኤርትራ ከይዶም እዩም ተዓሊምም ድሕሪ ምውዳእ ታዕሊም ብናይቲ ከባቢ ኣፀዋውዓ ኣብ ሓለዋ ሳውራ ወይ 06 ተመዲቡ ቃልሲ ሓደ ኢሉ ጀሚረ፡፡

ስርዓት ደርግ ቃልሲ ህዝቢ ኤርትራ ንምጭፍላቕ ቀይሕ ኮኸብ ዘመቻን ሰላሕታ ወራርን ኣዊጁ ንህዝባዊ ግንባር ኣብ መንቀርቅር ኣእትዩምዎ ስለዝነበረ ፍትሓዊ ቃልሲ ህዝቢ ኤርትራ ቅንዕ እዩ ኢሉ ካብ ብጐሓቱ ዝኣመነ ህወሓት ነቲ ቃልሲ ንምድሓን ክብል ንህዝባዊ ግንባር ዝሕግዛ ኣሃዱታቱ ናብ ኤርትራ ተላኢኸን፡፡ ካፍተን ዝተልኣኻ ኣሃዱታት ሓንቲ ብርጌድ 51 ሓንቲ ስለዝነበረት ገ/መስቀል ኣባል እዛ ብርጌድ ኮይኑ እዞም ወራራት ክሳብ ዝፈሽሉ ኣብ መሬት ኤርትራ ከባቢ 3ተ ዓመት ፀኒሑ እዩ፡፡

ብርጌድ 51 ዝተውሃባ ውድባዊ ልእኽቶ ብዓወት ዛዚማ ውረት ደርግ ኣብኤርትራ ደራዒማ ናብ መሬት ትግራይ ተመሊሳ፡፡ ካፍቲእዋን ንሱ አትሒዙ ገ/መስቀል ናይታ ብርጌድ ሰለያ ኮይኑ ተመዲቡ፡፡ መለለይ ስም እታ ብርጌድ ካብ ብርጌድ 51 ናብ ብርጌድ 23 ቀፂሉ ናብ ብርጌድ 66 እንትቀያየር ዝተፈላለዩ ልእኽቶታት ክትዕወት ካብሪጅን ናብ ካልእ ሪጅን እንትትፃፋዕ ገ/መስቀል ሐዚ እውን ምስ ብርጌዱ ኣሎ፡፡